#即時娛樂新聞#【柳俊江離婚一年再遇真愛 新歡為「跳高女神」楊文蔚經理人..】
前TVB新聞主播#柳俊江#上年9月涉與太太#雷康怡#(Florence)男友人打架被捕,被爆婚變,及後柳俊江喺社交平台默認結束10年婚姻關係。回復單身嘅柳俊江噚日(17日)就發佈照片兼低調宣佈新戀情,新歡仲係香港女子跳高運動員兼模特兒楊文蔚經理人Grace。

柳俊江所分享嘅照片由佢負責摣機,Grace依偎住佢身軀,柳俊江亦寫上拉丁語:「Carpe Diem(及時行樂)」。Grace係海帆娛樂Alala Entertainment經理人,旂下運動員有「跳高女神」#楊文蔚#與空手道運動員鄭子文;而佢同柳俊江嘅戀情絕對係有跡可尋,柳俊江早喺上個月IG限時動態發佈與一名女子約定手勢嘅照片,留言:「以後,還請多多指教。」又引述Netflix劇集《紙房子》對白:「人們總以為,一生只會遇到一次真愛,他們卻不知道,人可以擁有好幾段人生。」不過,其實Grace今年7月生日舉辦派對,柳俊江已經有出席仲企喺一旁甜笑望住Grace吹蠟燭,從二人不時分享嘅生活照入面亦見到電視櫃及按摩椅款式相同,疑似已發展至少3個月兼同居。
(yahoo娛樂圈)

更多娛樂新聞動態

全站最新消息

d