#即時娛樂新聞# 「做媒人出曬名 有女士出100萬搵阿BOB幫手識男人 介紹見面都俾10萬!」
「TVB(@TVB官方微博 )咪神」@張秀文_彩虹 同財金界人士王大權低調拍拖一年後宣布結婚,dry咗3年嘅秀文早前出post感謝阿Bob(@Bob林盛斌 )做媒人。原來舊年情人節秀文本來打算一個人睇youtube度過,當晚阿Bob send短訊叫佢出來話有男仔介紹佢識,秀文起初唔想出去﹐但係阿Bob覆佢「睇youtube唔會改變你一生,你今晚肯出黎就會改變你一生!」,令佢的起心肝赴會,就係咁識到未來老公!
呢個故事令阿Bob榮升「金牌媒人」,點知有女士真係打算出錢搵阿Bob介紹好男人!

阿Bob今日喺facebook post出對話截圖,內容係一名自稱30歲嘅女士,透過Bob嘅經理人,希望搵Bob做媒人,仲願意俾豐厚報酬︰成功的話,「另一半會畀100萬,每一位男性成功約見我的話,林生(編按︰即係Bob)都有10萬」。

雖然出手闊綽,但係經理人就代Bob拒絕呢個請求。經理人嘅回覆都相當得體兼正面,難怪Bob都話「我真係好欣賞我嘅經理人Kaman,佢嘅耐性同客服,呢一行應該好少人做到!」。

唔做媒人啫,生意多多嘅Bob可以考慮做埋婚姻介紹所喎!
(yahoo娛樂圈) http://t.cn/R2WxksT

更多娛樂新聞動態

全站最新消息

d