#即時娛樂新聞##香港娛樂新聞##香港樂壇# 「環球出聲明交代@陳慧嫻Priscilla Gin Lee唔續約 網民錯重點︰篇文啲中文好差..」
早前有報導,#環球唱片# 出現旂下歌手「逃亡潮」,效力40年嘅#陳慧嫻# 盛傳有意加盟#英皇娛樂# ,開拓內地市場;一手捧起嘅Gin Lee同AGA據知約滿後都唔會續約。
尋晚環球唱片喺facebook刊登聲明回應,確認陳慧嫻同Gin Lee約滿後離開。陳慧嫻早前錄好嘅專輯稍後會推出;而環球會配合Gin Lee新專輯宣傳,並安排新班底參與,原定9月嘅紅館演唱會,基於係合約期外嘅工作,環球唔會再作投資。至於AGA,環球表示雙方「合作協議已有進一步計劃,包括有最新音樂專輯製作、香港紅館演唱會檔期及各地巡迴演唱會」,似乎粉碎轉會華納嘅傳言。

聲明有過百網民留言,唔少人認為Gin Lee「逃出生天」,更有人話從呢篇聲明嘅質素就知兩位走得正確。的確,篇文隨手都搵到奇怪之處,例如文末「此致」之後並冇對象稱呼,反而係寫環球唱片,即係出封聲明俾自己睇?另外聲明寫道「環球唱片在此祝願陳慧嫻和@李幸倪GinLee 的新工作里程一切順利」、「陳慧嫻(Priscilla Chan)和#李幸倪# (Gin Lee)將會與本公司約滿」都睇到人一頭霧水。

其實年頭環球炮轟商台唔支持旂下歌手嘅另一篇聲明,遣詞造句同樣唔似大公司出品。內容寫道「每個平台都有自己的機制準則,但環球唱片並沒有杯葛商台的意思。近兩年來商台不太喜歡環球唱片旂下歌手的作品,例如:AGA、Gin Lee、張學友及ONE PROMISE等等。環球唱片亦尊重商台的決定,因為他們推崇『專業推介』,重申一次並沒有杯葛對方。現時香港仍存在不同媒體平台,環球唱片對此不感到擔心,或覺得會造成重大損失。」,大家可以睇下有冇咩唔妥。

現時環球旂下女歌手唔多,唔計應該會續約嘅AGA,仲有跳唱歌手@Jace陳凱詠 、已解散樂隊Dusty Bottle女主音Kerryta。而《全民造星3》亞軍@陳葦璿Kira 據知簽咗約但未公布。家庭為重嘅@陳慧琳-KellyChen@吳雨霏Kary 都係掛個名。
(來源:yahoo娛樂圈) http://t.cn/R2WxksT

更多娛樂新聞動態

全站最新消息

d