#即時娛樂新聞##香港娛樂新聞# 「56歲的香港資深男藝人@呂頌賢 外貌身型保養得宜 網民:越來越年輕..」
現年56歲嘅#呂頌賢# ,當年憑《笑傲江湖》飾演令狐沖一角爆紅,更被封為「最靚仔令狐沖」。喺內地發展多年嘅佢,上年年底完成工作後便與老婆返香港,近日佢突然現身藝術展,為好友古天祥撐場。唔少網民都話佢外貌同身型都保持得好好,一啲都唔似已經56歲,仲話佢同MIRROR成員Edan呂爵安好似樣。

近日,呂頌賢喺社交網站上載與古天祥嘅合照,並留言話:「恭喜好兄弟@古天祥Carlos ,第一次展示自己的作品已驚為天人 他可能是香港唯一哈雷摩托的金屬彫刻師!這次的展品更是世界上少有金屬彫刻畫,讚呢!恭喜恭喜」。雖然呂頌賢已經年過半百,不過佢保養得宜,帥氣依然,唔少網民睇完佢嘅近照到紛紛留言大讚佢keep得好好,例如「啊呂厲害,越來越年輕,保養得非常OK」、「令狐沖男神」、「呂頌賢56?話佢26我都信!」、「呂頌賢狀態也好好啊」

及「樣貌、身形都keep得很好」等等。另外,亦有網民再次話佢同MIRROR成員Edan呂爵安似樣,仲話如果佢哋可以演戲飾演兩父子。

喺藝術展撐好友場時,呂頌賢接受傳媒訪問時提及其近況,指暫時都會留喺香港,唔會返大陸工作住,因為佢除咗演戲事業,亦有進軍飲食界,佢喺上海經營嘅素食餐廳及公司,因疫情嘅關係已經接近半年冇生意,不過好彩獲得免租三個月,佢亦決定今年會以休息為主,呢段時間就會陪老婆和家人,同車友去摣車,好好享受一下。
(來源:yahoo娛樂圈) http://t.cn/R2WxksT

更多娛樂新聞動態

全站最新消息

d